LE LOUP ET L'AGNEAU

Ci dit del lu e de l'aignel,
ki beveient a un clincel.
Li lus en la surse beveit
e li aignels aval esteit;
iriement parla li lus,
que mut esteit cuntrarÔus;
par maltalent, parla a lui :
' Tu me fes ', dist il, 'grant ennui.'
Li aignel ad respundu:
' Sire, de quei ? ' - ' Dun ne veiz tu?
Tu m'as cest' ewe si trublee
n'en puis beivre ma saŁlee;
arere m'en irai, ceo crei,
cum jeo vienc Áa, murant de sei.'
Li aignelez dunc li respunt :
'Sire, ja bevez vus amunt,
de vus me vient ceo que ai beŁ. '
'Quei ! ', fet li lus, 'maudiz me tu ? '
Cil li ad dit : ' N'en ai voleir. '
Li lus respunt : ' Jeo en sai le veir.
Cest memes me fist tun pere
a ceste surse, u od lui ere,
ore ad sis meis, si curn jeo crei.
' Que retez vus ceo ', fet il, 'a mei ?
Ne fu pas nez dunc, si cum jeo quit. '
' "E ke pur ceo ? ' li lus ad dit.
'Ja me fez tu ore cuntrere
e chose que ne deussez fere. '
Dunc prist li lus l'aignel petit,
as denz l'estrangle, si l'ocit.
Issi funt li riche seignur,
li vescunte e li jugeŁr
de ceus qu'il unt en lur justise ;
faus' acheisuns par coveitise
treovent asez pur eus cunfundre :
suvent les funt a pleit somundre,
la char lur tolent e la pel,
si curn li lus fist a l'aignel.

MARIE DE FRANCE, Fables, entre 1168 et 1187.

retour